O‘zbekistonda xorijda ishga joylovchi yangi agentlik faoliyati yo‘lga qo‘yilishi mumkin

Vazirlar Mahkamasining "O‘zbekiston Respublikasi fuqarolarining chet ellarda ishga joylashish tizimini takomillashtirish va tubdan qayta isloh qilish chora-tadbirlari to‘g‘risida"gi qaror loyihasida O‘zbekistonda xorijda ishga joylovchi yangi agentlik faoliyati yo‘lga qo‘yilishi haqida ma'lum qilindi. 

Hujjatga muvofiq, O‘zbekiston Respublikasi Vazirlar Mahkamasining Tashqi mehnat migratsiyasi agentligi faoliyati samaradorligi oshadi. 

Manbada ta'kidlanishicha, Agentlik O‘zbekiston fuqarolariga chet ellarda ularning huquqlarini himoyalashda ko‘mak berishi lozim. Bu esa tegishli tayyorgarlik, adaptatsion chora-tadbirlar o‘tkazish va ishga joylashtirish jarayonlarini samarali boshqarish hamda nazorat qilish orqali amalga oshiriladi. 

Shuningdek tashkilot mehnat migratsiyasi loyihalarini ishlab chiqish va amalga oshirish, xorijiy davlatlarning vakolatli organlari bilan hamkorlik qilish va ishchilar mehnat huquqlarini ta'minlashda faol ishtirok etishi kerak.

Hujjat imzolangan taqdirda, Mehnat vazirligida xorijda ishga joylovchi agentlik tashkil qilinadi. Hujjat loyihasiga ko‘ra, chet ellarda xususiy shartnoma bo‘yicha ishlovchi O‘zbekiston Respublikasi fuqarolari faoliyatini qonuniylashtirish mexanizmini tatbiq qilish taklif qilinmoqda.