Afg‘oniston IIV rahbari «Tolibon» a'zolari bilan uchrashdi

Foto: khaama.com

Afg‘oniston ichki ishlar vaziri Vois Ahmad Barmoq «Tolibon» guruhi a'zolari bilan uchrashdi. Bu haqda Khaama Press agentligi xabar bermoqda.

Uchrashuv Ramazon hayiti munosabati bilan e'lon qilingan vaqtinchalik sulh fonida bo‘lib o‘tdi. Vazirlikning o‘zi bu haqdagi xabarlarga hozircha izoh bermadi. Biroq, hisobotlarda ko‘rsatilishicha, Barmoq toliblar bilan Kobuldagi ko‘chalardan birida uchrashgan.

Eslatib o‘tamiz, avvalroq Afg‘onistonda pokistonlik toliblar yetakchisi o‘ldirilgani xabar qilingandi.