Foto: Samarqand shahar hokimligi axborot xizmati
O‘zbekiston Respublikasi Bosh vaziri Abdulla Aripov bugun Samarqand shahriga tashrif buyurgan. Bu ma'lumotni Kun.uz’ga Samarqand shahar hokimligi axborot xizmati tasdiqladi.
Bosh vazir o‘z tashrifi davomida shaharning tarixiy qismida olib borilayotgan qurilish ishlari bilan tanishgan.
A.Aripov shaharning tarixiy qismida olib borilayotgan qurilish ishlari mobaynida O‘zbekistonda amal qilayotgan xalqaro hujjatlarga to‘liq rioya etilishini talab etgan. Jumladan, YuNeSKO butunjahon merosi ro‘yxatiga kirgan hududda olib borilayotgan qurilish va obodonlashtirish ishlari shaharning tarixiy binolari qiyofasini buzmasligi kerakligini qayd etgan.
Bosh vazir yo‘l qo‘yilgan qonunbuzarliklar uchun qat'iy choralar qo‘llanilishini bildirib o‘tgan.
