Shaxmat bo‘yicha Osiyo chempionatida O‘zbekiston termasi birinchi o‘rinda bormoqda

2018 yil 7-15 iyul kunlari Shri-lankaning Kalutara shahrida 7,9,11,13,15 va 17 yoshgacha bo‘lgan maktab o‘quvchilari o‘rtasida shaxmatning standart, rapid va blits yo‘nalishi buyicha Osiyo birinchiligi bo‘lib o‘tmoqda. 8 iyulda esa Osiyo maktab o‘quvchilari birinchiligining tezkor shaxmat  yo‘nalishidagi bahslar o‘z nihoyasiga yetdi. Unda 14ta davlat vakillaridan 422 nafar yosh iqtidor sohiblari ishtirok etdi. Bu haqda O‘zbekiston shaxmat federatsiyasi axborot xizmati Kun.Uz’ga ma'lum qildi.

Tezkor yo‘nalish bo‘yicha O‘zbekiston sharafini himoya qilayotgan yoshlar 11ta medalni qo‘lga kiritishdi, shundan: 4tasi oltin, 3tasi kumush va 4tasi bronza medallardir. Qo‘lga kiritilgan umumiy va oltin medallar hisobiga ko‘ra, o‘zbekistonlik sportchilar birinchi o‘rinni egalladi:

9-14 iyulda musobaqaning asosiy, ya'ni standart yo‘nalishida bahslar davom etadi. Musobaqa yakunida esa blits yo‘nalishi bo‘yicha bahslar o‘tkaziladi.