Tramp Putinni o‘ziga raqib deb bilishini aytdi

AQSh prezidenti Donald Tramp rossiyalik hamkasbi Vladimir Putinni raqibi deb hisoblaydi, deya xabar beradi Bloomberg.

Amerika yetakchisi jurnalistlarning Putinni do‘sti yoki dushmani deb bilishi haqidagi savolga javob berar ekan, shunday bayonot berdi. U shuningdek Putin bilan kutilayotgan uchrashuv Buyuk Britaniya bosh vaziri Tereza Mey bilan bo‘lib o‘tadigan muzokaralardan yengilroq kechishi  mumkinligini ta'kidladi.

Vladimir Putin va Donald Tramp 16 iyul kuni Xelsinkida uchrashishadi. Siyosatchilar ikki tomonlama munosabatlarning keyingi rivoji istiqbollari va xalqaro kun tartibidagi dolzarb masalalarni muhokama qilishni rejalashtirishmoqda.

Ushbu muzokaralardan bir necha kun oldin Amerika prezidenti Bryusseldagi NATO sammitida ishtirok etadi, shundan so‘ng Mey bilan uchrashadi.