Tramp Germaniyani Rossiyaning asiriga aylangan davlat deb atadi - video

AQSh prezidenti Donald Tramp NATO sammiti arafasida alyans bosh kotibi Yyens Stoltenberg bilan uchrashuvida Germaniyani «North stream» gaz quvuri va Rossiya byudjyetiga milliardlab dollar o‘tkazib berayotganini keskin tanqid qildi.

Jumladan, Tramp uchrashuvda ushbu so‘zlarni aytdi:

{Yii::t(}

O'tkazib yuborish 6s

O'tkazib yuborish

«Ta'kidlashim joizki, Germaniya o‘zini Rossiyadan himoya qilish o‘rniga u bilan yirik neft va gazga oid shartnomalarni imzolayotgani, Rossiyaga yiliga milliard-milliard dollar to‘lab berayotgani juda qayg‘uli.

Biz Germaniyani himoya qilamiz, biz Fransiyani himoya qilamiz, biz ko‘plab davlatlarni himoya qilamiz, bu davlatlarning ko‘pchiligi esa Rossiya bilan gaz quvurlari borasida shartnoma imzolashadi va Rossiya g‘aznasiga milliardlab dollar to‘lashadi.

Biz sizlarni Rossiyadan himoya qilishimiz kerak, sizlar esa Rossiyaga pul bermoqdasizlar.

O‘ylaymanki, bu aslo maqbul holat emas. Germaniyaning sobiq kansleri gaz yetkazib beruvchi kompaniyaga rahbarlik qilmoqda. Rossiya esa gaz yordamida Germaniyaning 70 foizini nazorat qilmoqda. Qani aytingchi, bu maqbul holatmi? Men lavozimga kirishganimning dastlabki kunidanoq shikoyat qilish, hech qachon yo‘l qo‘yish mumkin bo‘lmagan narsaga yo‘l qo‘yish?

Germaniya to‘liq Rossiya tomonidan nazorat qilinadi, chunki bu mamlakat iste'mol qilayotgan energiyaning 60–70 foizi Rossiyadan yangi gaz quvuri orqali keladi.

Endi ayting, bu maqbul holatmi? Menimcha, yo‘q. Fikrimcha, bu NATO uchun juda yomon. Bunaqa holat bo‘lishi mumkin emas. Shuningdek, bu holatni Germaniya bilan ham muhokama etishimiz kerak, deb o‘ylayman.

Bularning barisiga qo‘shimcha ravishda Germaniya [NATOga YaIMining] 1 foizdan ortiqrog‘ini o‘tkazadi, AQSh esa bir necha karra kattaroq bo‘lgan YaIMidan real raqamlarda 4,2 foiz o‘tkazadi. Bu holat ham, menimcha, maqbul emas.

Biz Germaniyani himoya qilamiz, biz Fransiyani himoya qilamiz, biz barchani himoya qilamiz, biz mudofaa uchun juda katta pullarni sarflamoqdamiz. Bu holat o‘nlab yillardan buyon davom etib kelmoqda».