“Janob Prezident”. Shavkat Mirziyoyev ilk marta oilasi haqida gapirib berdi

Ilk marta Shavkat Mirziyoyev faoliyati to‘g‘risidagi 40 daqiqali film prezidentning tavallud ayyomida namoyish etilishi e'lon qilindi. Bu haqda O‘zbekiston Respublikasi Prezidenti Shavkat Mirziyoyevning Matbuot xizmati Kun.uz'ga xabar bermoqda. 

Ma'lum qilinishicha, ushbu film Shavkat Mirziyoyevning dastlabki tarixiy intervyusi asosiga qurilgan. 

Unda O‘zbekiston xalqi hayotidagi eng muhim o‘zgarishlar, mamlakatimizning ichki siyosatdagi ustuvor maqsadlari, tashqi siyosatdagi pozitsiyasi haqida so‘z boradi. 

Shuningdek, filmda Prezidentning bir yarim yil davomidagi shiddatli faoliyati haqida  xalqaro ekspertlarning fikrlari o‘rin olgan. Ushbu filmda davlat rahbari bilan bevosita uchrashgan, muloqot  qilgan fuqarolar taascurotlari bilan tanishasiz. Prezident ilk marta o‘z oilasi haqida hikoya qiladi. 

G‘oya muallifi va badiiy rahbari - O‘zbekiston Respublikasi Prezidenti matbuot kotibi Komil Allamjonov. Namoyish bugun, 24 iyul kuni soat 21:00da "Milliy" TV orqali, soat 22:00da esa O'zbekiston 24 orqali efirga uzatiladi. Shuningdek, filmni davlat rahbarining ijtimoiy tarmoqdagi rasmiy sahifasi orqali ham tomosha qilish mumkin.