«Bu puxta tayyorlangan qotillik». Jurnalist hamkasblari o‘limi uchun javobgarlikni «Putinning do‘stlari» zimmasiga yukladi

31 iyul kuni Markaziy Afrika Respublikasida uch nafar rossiyalik o‘ldirildi. Bular jurnalist O‘rxan Jamol, rejissyor Aleksandr Rastorguyev va operator Kirill Radchenko edi. Ular mingan mashina haydovchisi esa hujumdan omon qolgan.

Ushbu guruh Afrika davlatiga yollanma jangchilar xizmatini ko‘rsatadigan «Vagner» guruhi faoliyati bo‘yicha film ishlash uchun borishgandi.

Dastlabki ma'lumotlarda ular talonchilik hujumi qurboniga aylangani aytildi, Rossiya TIV esa, bu hodisani «sayyohlarning xavfli hududda hujumga uchrashi» deb atadi va boshqa rossiyaliklarni MARga bormaslikka chaqirdi.

Jurnalist Viktor Shenderovich esa o‘z blogida jurnalistlar ayni vaqtda Markaziy Afrika Respublikasida bo‘lib turgan, Rossiya prezidenti Vladimir Putinning yaqin kishilaridan hisoblanuvchi milliarder Yevgeniy Prigojin tomonidan moliyalashtirilishi aytiladigan «Vagner» guruhi buyurtmasi bilan o‘ldirilganini iddao qilmoqda.

«Demak, bu hech qanaqasiga talonchilik maqsadidagi qotillik emasdi: rossiyaliklar jurnalistlar mashinasi ro‘paradan turib o‘qqa tutilgan. Qimmatbaho o‘ljani qo‘lga kiritmoqchi bo‘lgan talonchilar bu o‘ljani ehtiyot qilgan bo‘lardilar.

Qotillik maqsadida tuzoq qo‘yilgan, qotillar aynan shu guruhga hujum qilinishi kerakligini bilishgan. Qotillarga jurnalistlarning harakatlanish marshruti va qaysi vaqtda qayerda bo‘lishi ayon edi. Bu yaxshi tayyorlangan qotillik edi.

Turbanlar va ularning arabcha so‘zlashi ahamiyatsiz, bu dalil qotillik buyurtma bo‘lganini inkor eta olmaydi. Men hali aynan O‘rxon Jamol qotillik qurboniga aylanganiga alohida to‘xtalmayapman.

Balki, albatta, zo‘r berib boshqa murakkabroq versiyalarni o‘ylab topish mumkindir, ammo eng sodda va ravshan versiya shu: jurnalistlar o‘limi «Vagner» benefitsiarlari tomonidan buyurtma qilingan.

Motivlar ham aniq:

 — tekshiruvlarning oldini olish (axir yollanma xizmat  – jinoiy harakat); 

 — muskullarni ko‘rsatib qo‘yish (barchaga bundan keyingi shunday qadamlar qanday yakun topishini ko‘rsatib qo‘yish).

Jamol, Rastorguyev va Radchenkoning qotilligini Tergov qo‘mitasi tekshiradi — bu esa buyurtmachilarning jazosiz qolishini to‘la kafolatlaydi. Tergov qo‘mitasi bundan avval ham bundanda oshkora jinoyatlarni ko‘rib-ko‘rmaganga olgandi.

Putinning do‘stlarining qo‘llari qonga botgandan-botmoqda. Nima bo‘lganda ham, yaqin (harbiy davr)dan buyon o‘ldirilganlar soni mingdan oshmoqda, xullas — men nima demoqchiman?

Putinga borjomi ichishga endi kech, qo‘rqamanki, biz ham kechikdik».