Materialshunoslik va innovatsiyalarni boshqarish sohasida mutaxassis sanalgan «Buyuk kelajak» XNNT a'zosi Yo‘lbarsxon Mansurov O‘zbekiston Respublikasi Innovatsion rivojlanish vaziriga yangi o‘rinbosar etib tayinlandi. Bu haqda «Buyuk kelajak» XNNT rasmiy vakili Kun.uz'ga ma'lum qildi.
Rossiya Fanlar akademiyasida faoliyat olib borgan Mansurov o‘tgan davr mobaynida Scopus i Web of Science kabi mashhur tahririyatlar bilan ijodiy hamkorlik qilib kelgan. U oliygohlarda innovatsion texnologiyalar faoliyatini tashkil etish bo‘yicha monografiya muallifi, shuningdek texnologiyalar transferi va tijoratlashtirish bo‘yicha ekspert hisoblanadi.
Eslatib o‘tamiz, bundan avval Innovatsion rivojlanish vaziri o‘rinbosari lavozimida ishlagan Otabek Nazirov Xalq ta'limi vaziriga o‘rinbosar etib tayinlangandi. Bundan tashqari, vazir o‘rinbosari lavozimida ishlagan Sherzod Shermatov ham Xalq ta'limi vazirligiga o‘tkazilgan bo‘lib, u vazirlik rahbari sifatida faoliyatini davom ettirmoqda.
Vazirning birinchi o‘rinbosari bo‘lib ishlagan Baxtiyor Umarov ayni paytda Turizmni rivojlantirish davlat qo‘mitasi raisi sifatida faoliyatini davom ettirmoqda.
