O‘zbekiston TIV poytaxtda «Tolibon» idorasi ochilishi haqidagi xabarlarni rad etdi

O‘zbekiston Tashqi ishlar vazirligi «Tolibon» harakatining Toshkentda siyosiy idorasi ochilishi haqidagi ma'lumotni rad etdi, deya xabar beradi RIA Novosti dushanba kuni vazirlik vakiliga tayangan holda.

Avvalroq, Reuters toliblar vakiliga tayangan holda, bu harakat O‘zbekiston poytaxtida siyosiy idora ochgani haqida xabar berdi.

«Bu masala muhokama qilinmadi. Hech qanday idora ochilayotgani yo‘q», - deya aniqlik kiritgan agentlik suhbatdoshi idora ochilishi haqidagi ma'lumotlarga izoh berib.

Qatar hududida «Tolibon» harakatining yagona rasmiy vakolatxonasi joylashgan. Avvalroq, Qatar hukumati «Tolibon» bilan aloqalar o‘rnatganligi va Qo‘shma Shtatlarning iltimosiga binoan o‘z hududida uning vakillarini qabul qilganini ma'lum qilgandi.

Eslatib o‘tamiz, bundan avval «Tolibon» Toshkentdagi muzokaralarning kun tartibini oshkor qilgandi.

O‘tgan hafta Toshkentga tashrif buyurgan Dohadagi (Qatar) «Tolibon» siyosiy harakati idorasi rahbari Shir Muhammad Abbos Stanizay rasmiylar bilan Afg‘onistonda amalga oshirilgan infratuzilma loyihalarining xavfsizligini muhokama qildi.