Iqlimshunoslar Yer kutilganidan ko‘ra tezroq isib borayotganligini bildirishdi

Olimlar keyingi besh yil davomida sayyoramizda g‘ayrioddiy jazirama hukm surishini taxmin qilishmoqda.

Brest va Sautgempton universitetlari olimlari jazirama oqibatlarini xronologik tizimda tartiblovchi va sayyoramizning isib ketishi bilan bog‘liq holatni o‘n yil avvaldan taxmin qiluvchi algoritmni yaratishdi, deb yozadi Nature. Mazkur algoritm asoschilari Florian Sevellek va Sibren Drijfut 2018 yildan boshlab keyingi to‘rt yil davomida sayyorada harorat qo‘shimcha 0,03 darajaga ko‘tarilishini aniqlashdi.

Algoritm sayyoradagi o‘rtacha haroratning o‘zgarishini oldindan aniq ayta olgan, ammo tabiat omillari tufayli olimlar harorat ko‘tarilishi qanday oqibatlarga olib kelishini ayta olishmayapti.