Neymarga yana qiziqa boshlagan «Real» endi 300 million yevro to‘lashga tayyor

«PSJ» hujumchisi Neymarning «Real»ga o‘tishi masalasi yana kun tartibida bo‘lib turibdi. Sport.es xabariga ko‘ra, «qirollik klubi» 26 yoshli futbolchini o‘z safiga qo‘shib olish harakatlarini qaytadan boshlagan.

«Qaymoqranglilar» prezidenti Florentino Peres «Atletiko»ga qarshi kechgan UYeFA Superkubogidagi o‘yinda imkoniyat boy berilgach (2:4), xavotirga tushgan va Krishtianu Ronalduning o‘rnini zudlik bilan yuqori klassdagi hujumchi bilan to‘ldirish borasida qaror qabul qilgan.

Albatta, «PSJ» hamon o‘yinchini qo‘yib yuborish fikridan qaytmagan, biroq moliyaviy feyr-pley masalasida UYeFAning bosimi parijliklarning fikrini o‘zgartirishi mumkinligi aytilmoqda. Qayd etilishicha, «Real» braziliyalik futbolchi transferiga 300 million yevro yo‘naltirishga tayyor.