Hukumat Qonunchilik palatasiga poytaxtning maqomi to‘g‘risidagi qonun loyihasini kiritadi

O‘zbekiston Respublikasi prezidenti “Toshkent shahrida boshqaruvning alohida tartibini joriy etish bo‘yicha huquqiy eksperiment to‘g‘risida”gi farmonni imzoladi.

Hujjat bilan belgilanishicha, O‘zbekiston Respublikasi Vazirlar Mahkamasi:

2018 yil 1 dekabrga qadar muddatda xalqaro tajribani inobatga olgan holda O‘zbekiston Respublikasi Oliy Majlisi Qonunchilik palatasiga “O‘zbekiston Respublikasi poytaxtining maqomi to‘g‘risida”gi O‘zbekiston Respublikasi qonuni loyihasini kiritadi;

Toshkent shahrida o‘tkazilgan huquqiy eksperiment yakunlariga ko‘ra, 2019 yil 1 iyulga qadar muddatda O‘zbekiston Respublikasi Oliy Majlisi Qonunchilik palatasiga “Mahalliy davlat hokimiyati to‘g‘risida”gi O‘zbekiston Respublikasi qonunining yangi tahrirdagi loyihasini kiritadi.