Bekzod Abdurahmonov endi Olimpiada medalini taqmoqchi

Jakartada bo‘lib o‘tayotgan Osiyo o‘yinlarida O‘zbekiston delegatsiyasiga ilk oltin medalni olib kelgan erkin kurashchi Bekzod Abdurahmonov «Kun.uz» muxbiriga intervyu berdi.

U finaldagi g‘alabadan keyingi hissiyotlari va kelajakdagi rejalari bilan o‘rtoqlashgan.

«Bu g‘alabamni O‘zbekistonlik xalqiga, yaqinlashib kelayotgan Mustaqillik bayramiga bag‘ishlayman.

Bu muvaffaqiyat bilan to‘xtab qolmayman. Eng katta maqsadim Olimpiadada ham chempion bo‘lish.

Ungacha esa, shu yil oktabrida Vengriyadagi jahon chempionatida muvaffaqiyatli ishtirok etmoqchiman. Keyingi yili esa Istanbuldagi jahon chempionatida Olimpiadaga yo‘llanma olishga harakat qilaman.

O‘tgan safar Olimpiadada medaldan quruq qolgandim. Bronza uchun bahsda ozarboyjonlik raqibga 6:7 hisobida yutqazgandim. Medalni taqishga yaqin qolgandim, yutqazib qo‘ydim.

Hali yoshim 28da. Sog‘ bo‘lsak, 40 yoshgacha ham ishtirok etishimiz mumkin. Masalan, Artur Taymazov 33 yoshida Olimpiada chempioni bo‘lgan. Rossiyalik bir sportchi 38 yoshida jahon chempionatida g‘olib bo‘ldi.

Xudo xohlasa, O‘zbekistonga Olimpiada medalini ham olib beraman», degan Bekzod Abdurahmonov.