Foto: AP/ Rahmat Gul
“Tolibon” harakati Afg‘oniston prezidenti Ashraf G‘ani tomonidan e'lon qilingan bir tomonlama yarashuvga javob bermagan bo‘lsa-da, 20 avgustda asirda ushlab turgan yuzlab odamlarni qo‘yib yuborishini ma'lum qildi. Bu haqda TOLO News telekanali xabar bermoqda.
Avvalroq G‘ani kirib kelayotgan Qurbon hayiti sharofati tufayli toliblar bilan 3 oyga o‘t ochish to‘xtatilishini e'lon qilib, “Tolibon”ni ham shunday yo‘l tutishga chaqirgandi.
Toliblarning tushuntirishicha, asirlar hayit bayrami quvonchini o‘z oilalari va yaqinlari bilan birga bo‘lisha olishlari uchun ozod qilinishadi.
