Ziyoratchi ayol Haj safari vaqtida o‘g‘il farzandli bo‘ldi

Ikki milliondan ziyod musulmon Qurbon hayit bayramini muqaddas Makka shahrida kutib olmoqda. Kuni kecha ziyoratchilar Arofat tog‘idagi asosiy amallardan birini bajarishdi, deya xabar beradi Vesti.ru.

Arofat tog‘ida bajariladigan amallar vaqtida ziyoratchi ayollardan biri o‘g‘il farzandini dunyoga keltirdi.

Manbaga ko‘ra, ayol 70 metrli tepalikdan tushishga zo‘rg‘a ulgurgan. Bunday voqea tarixda birinchi marta ro‘y berganligi qayd etilmoqda. 

Ta'kidlash joizki, joriy yilning 29 iyulidan 13 avgustiga qadar "O‘zbekiston havo yo‘llari" milliy aviakompaniyasi "Haj-2018" dasturi bo‘yicha Saudiya Arabistoniga 7200 nafar ziyoratchini tashigan.