Bugun, 27 avgust kuni Indoneziyaning Jakarta hamda Palembang shaharlarida XVIII yozgi Osiyo o‘yinlari davom ettirilmoqda.
O‘zbekiston boks terma jamoasi a'zosi, Rio Olimpiadasi chempioni Hasanboy Do‘smatov ham bugun bahslarga qo‘shildi. U -49 kg vazn toifasida nimchorak final bosqichida laoslik Kamsaton Kampuvanga qarshi ringga ko‘tarildi va 5:0 (29:28, 30:25, 30:25, 29:28, 30:28) hisobida g‘alaba qozonib, chorak finalga yo‘l oldi.
Kun davomida O‘zbekiston boks jamoasining yana 3 vakili nimchorak final bosqichi janglarini o‘tkazishadi.
-64 kg vazn toifasida Iqboljon Xoldorovning dastlabki raqibi iordaniyalik Alkasbi Obada bo‘ladi. - 56 kg vazn toifasida Miraziz Mirzahalilov iordaniyalik Alvadi Muhammad bilan kuch sinashadi.
Toshkent vaqti bilan soat 19:45da -75 kg vazn toifasidagi Isroil Madrimov mo‘g‘ulistonlik Davasuren Davanyamga qarshi ringga ko‘tariladi.
