Turistik obektlarga olib boruvchi yo‘llarda o‘zbek va ingliz tillaridagi yo‘l ko‘rsatkichlari o‘rnatilmoqda
Xorijiy sayyohlarning tashrifini oshirish uchun ularga qulay sharoit yaratish, ko‘rsatiladigan xizmat turlarini kengaytirish, shuningdek ichki turizmni rivojlantirish maqsadida Toshkent viloyatining avtomagistral yo‘llari bo‘yida o‘zbek va ingliz tillaridagi jami 100 dan ortiq yo‘l ko‘rsatkichlari o‘rnatila boshladi. Viloyat hokimligi vakillari bu haqida KUN.UZ'ga xabar berishdi.
Ushbu yo‘l ko‘rsatkichlari Toshkent viloyatida turizm xizmatlarini tashkil etish, turistlar joylashtiriladigan joylar, ovqatlanish punktlari, viloyat hududlari bo‘ylab harakatlanishda sayyohlarning manzil bo‘yicha to‘g‘ri yetib borishlarini ta'minlashda yordam beradi.
Masalan, viloyatning Bo‘stonliq tumaniga olib boruvchi “Bektemir-Chirchiq-G‘azalkent-Chorvoq”,“Bektemir-Yuqorichirchiq-G‘azalkent-Chorvoq” yo‘nalishlari va “Chorvoq” erkin turistik zona hududi atrofidagi (4R6, 4R12, 4R11, 4R10, 4K794, 4K795, 4N738 va 4N755) yo‘llar bo‘yida yo‘l ko‘rsatkichlari o‘rnatildi. Tumanda jami 10 ta yo‘nalish bo‘lib, 62 ta turistlar tashrif buyuradigan maskanga yo‘l ko‘rsatkichlarni o‘rnatish ishlari olib borildi.
Ta'kidlash joizki, O‘zbekistan Respublikasi Prezidenti rahbarligidagi “Xorijiy sayyohlarning kelishini ko‘paytirish uchun ularga qulay sharoit yaratish, ko‘rsatiladigan xizmatlar turlarini kengaytirish, shuningdek ichki turizmni rivojlantirish yuzasidan ko‘rilayotgan chora-tadbirlarning natijadorligi to‘g‘risida”gi majlis bayoni topshiriqlari hamda 3514-sonli qarorning 4-bandi bo‘yicha “Turistlar tashrif buyuradigan maskanlar hamda avtomagistral yo‘llari bo‘yida o‘zbek va ingliz tillarida axborot beruvchi (viloyatning turistik salohiyatini aks ettiruvchi) yo‘l ko‘rsatkichlari o‘rnatish belgilangan. Toshkent viloyatida ushbu qaror va topshiriq ijrosi yuzasidan amaliy ishlar olib borilmoqda. Jumladan, Toshkent viloyati Bo‘stonliq tumaniga olib boruvchi va Chorvoq suv ombori atrofidagi 4R6, 4R12, 4R11, 4R10 yo‘llar bo‘yida to‘liq yo‘l ko‘rsatkichlari hamda turistik obektlarni reklama qiluvchi turli o‘lchamdagi bannerlar o‘rnatildi.
Mavzuga oid
20:50 / 17.09.2024
Rossiyalik bloger O‘zbekiston poyezdidagi sayohatni «haqiqiy sinov» deb ta’rifladi
13:14 / 12.09.2024
Toshkent viloyatidan yana 14 ta mahalla qisman Yangi Toshkent hududiga o‘tkazilmoqda
11:45 / 12.09.2024
Alimentda rekord: ayol 3 nafar farzandi ta’minoti uchun sobiq eriga 1,7 mlrd so‘m to‘ladi
15:48 / 10.09.2024