Yunusobod tumanida er-xotin talonchilar qo‘lga olindi

29 avgust kuni Toshkent shahrining Yunusobod tumanida 2 noma'lum shaxs “Yunusobod” dehqon bozorining orqa tomonida M.Turg‘unboyeva ko‘chasida yashovchi M.N.ni kuch ishlatish yo‘li bilan qo‘rqitib, mobil telefoni va pullarini olib ketganlar.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Ko‘rilgan choralar natijasida ushbu jinoyatni Gissar ko‘chasida yashovchi B.G‘. va turmush o‘rtog‘i S.K. sodir etganliklari aniqlanib ushlanganlar.