London Putinni Skripallarni zaharlashda aybladi

Buyuk Britaniya xavfsizlik vaziri Ben Uollesning ma'lum qilishicha, GRU sobiq polkovnigi Sergey Skripal va uning qizi Yuliyaning «Novichok» asab-falajlovchi moddasi bilan zaharlash holatida shaxsan Rossiya prezidenti Vladimir Putin javobgardir. Uning so‘zlari The Guardian gazetasi tomonidan keltirilgan.

Uning so‘zlariga ko‘ra, Skripallarga qilingan hujum - Putinning mamlakatda hokimiyatni qattiq nazorat qilishining natijasidir. «Yakunda u shaxsiy javobgarlikka egadir, sababi u o‘z davlatining prezidenti, uning hukumati esa maxsus xizmatlar - GRU - faoliyatini Mudofaa vazirligi orqali boshqaradi hamda moliyalashtiradi, - deya ma'lum qildi u. - U o‘z davlatida ro‘y berayotgan narsalarni nazorat qilmaydi, deb kimdir aytishiga ishonmayman».

Ta'kidlanishicha, Buyuk Britaniya bosh vaziri Tereza Mey bevosita Rossiya rahbarini ayblamagan, biroq, Rossiya maxsus xizmatlari zaharlashda aybdorligini ma'lum qilgan.

Gazetaning yozishicha, London Kremlga diplomatik bosimni oshirish va Moskva sodir bo‘lgan hodisa uchun javobgar ekani haqidagi masalani BMT Xavfsizlik kengashida ko‘tarish niyatida.

Eslatib o‘tamiz, avvalroq Viktoriya Skripal Rossiyadagi har uchinchi odam Skotland-Yard qidirayotgan shaxslarga o‘xshashini ma'lum qilgandi.