Rossiyada hibsga olishlar kuni. Bolalar va pensionerlar dubinkalar bilan tor-mor etildi

Bugun, 8 sentabr kuni hudud deputatlari va rahbarlari saylovi kunida Rossiyani pensiya islohotlariga qarshi mitinglar va namoyishlar qamrab oldi. Mamlakatning o‘nlab shaharlarida turli yosh toifasidagi minglab kishilar pensiya yoshini oshirishga qarshi noroziliklarini ifodalash uchun ko‘chalarga chiqishdi.

Namoyish ishtirokchilari ayni vaqtda 30 kunga qamoqqa olingan muxolif siyosatchi Aleksey Navalniy tarafdorlari bo‘lib, hukumat ularga nisbatan keskin choralar ko‘ra boshladi.

Yirik shaharlarda o‘nlab va yuzlab kishilar hibsga olina boshladi, xususan, Sankt-Peterburgda 400-500 chog‘li kishi qo‘lga olingani haqida ma'lumotlar tarqaldi. Moskvada va Novosibirskda ham politsiya bilan yirik to‘qnashuvlar kelib chiqdi. Politsiyachilar va maxsus xizmatlar xodimlari namoyishchilarga kuch ishlatib, ularni kaltaklashdi.

Ayni vaqtga kelib, qo‘lga olinganlar soni 1000 nafarga yaqinlashgan va bu ma'lumot tinimsiz ravishda yangilanib bormoqda.