Lukashenko Karimovdan so‘ng O‘zbekiston prezidenti bo‘lgan Mirziyoyev bilan umumiy til topishishga muvaffaq bo‘ldi.
12-14 sentabr kunlari Aleksandr Lukashenko O‘zbekistonga rasmiy tashrif bilan keladi. Tashrif juda muhim. Sababi O‘zbekistonni Islom Karimov boshqargan 20 yildan ko‘proq vaqt davomida sobiq SSSRning ikki davlati o‘rtasidagi hamkorlik deyarli muzlatib qo‘yildi, deydi ekspert Andrey Fyodorov.
Bugungi kunda Belarus va O‘zbekiston o‘rtasidagi munosabatlar o‘sib bormoqda, ammo barcha to‘siqlar olib tashlangan, deb aytishga hozircha erta.
Avvaliga hammasi yaxshi ko‘rinish kasb etgandi. 1993 yil yanvar oyida diplomatik aloqalar o‘rnatildi, bir yil o‘tib Belarus elchixonasi Toshkentda ochildi. 1994 yil dekabrda esa, Belarusning yangi saylangan prezidenti u yerga o‘zining ilk xorijiy safarlaridan birini amalga oshirdi, unda do‘stlik va hamkorlikni mustahkamlash to‘g‘risidagi deklaratsiya imzolandi.
Biroq, keyinchalik yaqinlashuv birdaniga to‘xtadi, ehtimol, birinchi shaxslar o‘rtasidagi shaxsiy munosabatlar tufayli.
O‘zbekistonning Minskdagi elchixonasi faqatgina shu yil ochildi, bundan oldin esa Rossiya Federatsiyasidagi elchilar bu yerda ham vakil bo‘lgan.
Karimovning o‘limidan oldin Minskdan Toshkentga yoki aksincha yo‘nalishda nafaqat oliy darajada, balki yuqori darajada ham boshqa bironta tashrif amalga oshirilmadi.
Lukashenkoning o‘zi O‘zbekiston parlamenti yuqori palatasi raisi Nig‘matilla Yo‘ldoshev bilan iyun oyidagi uchrashuvda o‘sha davrda muammolar bo‘lganini qisman tasdiqladi: «O‘tgan bir yil mobaynida, balki, undan biroz ko‘proqdir... biz Belarus-O‘zbekiston munosabatlarida avvalgi 20 yildan ko‘ra ko‘proq narsa qildik».
Lukashenko bilan Karimov o‘rtasida murakkab shaxsiy munosabatlar bo‘lganiga oid versiyani yana shu holat ham tasdiqlaydiki, O‘zbekistonda prezident o‘zgarganidan keyin vaziyat yaxshilana boshlandi.
Karimov 2016 yil sentabrida vafot etdi. Oktyabrda esa, Belarus yetakchisi Pokistondan qaytib kelayotib Samarqandga to‘xtab o‘tdi, u yerda mamlakat prezidenti vazifasini bajaruvchi, ikki oydan so‘ng davlat rahbari etib saylangan bosh vazir Shavkat Mirziyoyev bilan amaliy uchrashuv o‘tkazildi.
O‘shandan beri hamkasblar uncha ko‘p uchrashmagan bo‘lsa-da (2017 yilda MDH davlat rahbarlari kengashi yig‘ilishida va 2018 yil ShHTning Tsindaodagi sammiti vaqtida), ikki tomonlama munosabatlardagi muhit keskin o‘zgardi. Xususan, Belarusda O‘zbekiston elchixonasini ochish to‘g‘risida qaror qabul qilindi.
