Rossiya Oliy sudi 19 nafar ayolni o‘ldirgan sobiq militsionerning umrbod qamoq jazosini bekor qildi

Rossiya Oliy sudi 19 nafar ayolni o‘ldirgani uchun umrbod qamoq jazosiga hukm qilingan Novosibirsk militsiyasi sobiq xodimi Yevgeniy Chuplinskiyga chiqarilgan hukmni bekor qildi.

Sud ishni qaytadan ko‘rib chiqishga yubordi, deb xabar bergan davlat ayblovi vakili Anjyelika Yegorova TASS’ga. Uning ta'kidlashicha, Chuplinskiyni 19ta qotillikda aybdor deb topgan sud maslahatchilarining hukmi kuchda qolgan.

Davlat ayblovi vakilining qayd etishicha, sobiq militsioner boshqa bir qator jinoyatlarda iqror bo‘lgan, ammo tergov unga yangi ayblovlar bilan chiqmadi, sababi o‘ldirilgan odamlarning jasad qoldiqlari topilmagan.

Rossiya Ichki ishlar vazirligining idoradan tashqari qo‘riqlash xizmati sobiq xodimi 1998-2005 yillarda Novosibirskda sodir etilgan qotilliklar bo‘yicha aybdor deb topildi. Qotillikdan so‘ng, u qurbonlarining tanalarini bo‘laklarga ajratgan yoki ularni tanib bo‘lmas ahvolga keltirgan. Barcha qurbonlar fohishalar bo‘lgan.

Chuplinskiy o‘zining biologik namunasi qurbonlardagi genotip bilan genotipga to‘g‘ri kelganidan so‘ng, 2016 yil aprelida qo‘lga olindi. 2018 yil martida u umrbod qamoq jazosiga hukm qilindi. U hukmga shikoyat bilan chiqishga qaror qilib, o‘ziga o‘zi tuhmat qilganini bildirgan.