Saudiya Arabistonida asalari jahon rekordi o‘rnatilishiga xalaqit berdi

Saudiya Arabistonida bir dona asalari odam ustida o‘tirgan arilar soni bo‘yicha jahon rekordi o‘rnatilishiga xalaqit berdi. Bu haqda Daily Mail nashri xabar berdi. 

Asalarichi Zuhair Fataniy o‘ziga 20 mingta erkak asalarini jalb qilish maqsadida ustiga bir nechta ona asalarini o‘tqazgan. 

Bu borada amaldagi rekord xitoylik Ruan Lyanminga tegishli bo‘lib, u o‘z ustida 64 kilogrammga yaqin asalarini qo‘ndira olgan. Fataniy esa tanasida 100 kg asalarini to‘plamoqchi bo‘lgan, biroq bir ona asalari uchib ketgach, asalarichi rekord natijaga erisha olmagan.  

2017 yilda ham Fataniy rekordni yangilashga uringandi: u 1,5 soat davomida minglab asalari bilan qoplangan holda turganiga qaramay, zarur miqdorga erisha olmagan.