Erondagi terakt qurbonlari soni 28 kishiga yetdi

Eronning Ahvoz shahrida harbiy parad chog‘ida sodir etilgan terrorchilik harakati qurbonlari soni 28 kishiga yetdi, 60 kishi jarohatlandi, deb xabar berdi Eron parlamenti mudofaa bo‘yicha qo‘mitasi rahbari o‘rinbosari Abu Fadl Bigi.

Uning so‘zlariga ko‘ra, hujum qilganlarning uch nafari voqea joyida o‘ldirilgan, qolganlari kasalxonada jon bergan.  

U shuningdek, terrorchilar Iroq Kurdistonidan kelganini ma'lum qildi.

Eronning IRNA agentligi xabar qilishicha, ushbu hujum uchun javobgarlikni Saudiya Arabistoni bilan aloqada bo‘lgan "Axvazdagi vatanparvar arab demokratik harakati" o‘z zimmasiga olgan. Eron TIV rahbari Javod Zarif mazkur terrrorchilik harakati uchun "terrorizmning mintaqadagi homiylari va ularning amerikalik yo‘riqchilari" javobgar ekanligini bildirgan.