Superliga. «Paxtakor» «Buxoro»ni yengdi, «Neftchi» qatorasiga ikkinchi g‘alabani nishonladi

Superligada 24-turdan o‘rin olgan ikkita o‘yin yakunlandi.  

«Paxtakor» o‘z maydonida «Buxoro»ni qabul qildi va qiyin kechgan o‘yinda 2:1 hisobida g‘alaba qozondi. Bu natijadan so‘ng, «Paxtakor» 21 ochko bilan chempionlik guruhida 1-o‘ringa chiqib oldi.

Ligada qolish uchun kurashayotgan «Neftchi» o‘z maydonida «Nasaf»ni qabul qilib, 3:1 hisobida g‘alaba qozondi. Bu natijadan so‘ng, «Neftchi» 13 ochko bilan 5-o‘ringa chiqib oldi, «Nasaf» 17 ochko bilan 2-o‘rinda bormoqda.

Superliga, 24-tur
22 sentabr

«PAXTAKOR» – «BUXORO» - 2:1  
Gollar: Ismoil Gonsalvesh (58 pen), Farrux Sayfiyev (60) - Shahboz Erkinov (80)

«NeFTChI» – «NASAF» - 3:1 
Gollar: Avazbek O‘lmasaliyev (7), Sherzod Hakimov (42), Doston Toshmatov (61) - Islom Rashidxonov (21)