Toshkentdagi xonadondan 10,5 mln so‘mlik zargarlik buyumlarini o‘g‘irlab ketgan shaxs ushlandi

Shu yil 14 sentabr kuni noma'lum shaxs Toshkent shahrining Yakkasaroy tumanida yashovchi E.Q. ismli ayolning uyidan umumiy qiymati 10 mln. 500 ming so‘m bo‘lgan zargarlik buyumlarini o‘g‘irlab ketgan.

Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Holat yuzasidan jinoyat ishi qo‘zg‘atilib, ko‘rilgan choralar natijasida ushbu jinoyatni Sergeli tumanida yashovchi T.O. sodir etganligi aniqlanib, ushlangan. 

Tergov davom etmoqda.