«Hayot Habib bilan jangdangina iborat emas. Tilingga ehtiyot bo‘l» - Makgregorni ogohlantirishdi
![](https://storage.kun.uz/source/3/Ce6Ke_Cbp7ufBwgSds8LHmv_ib6cx3Ig.jpg)
Foto: @khusein.khaliev
Chechenistonlik MMA jangchisi Huseyn Xaliyev irlandiyalik Konor Makgregorga videomurojaat qilib, u rossiyalik Habib Nurmagomedov bilan bo‘lib o‘tgan matbuot anjumanida aytgan gaplari uchun javob berishini bildirdi.
«Konor, sen laqmalik bo‘yicha katta usta ekansan. Bunga matbuot anjumanini ko‘rib ishonch hosil qildim. Bu laqmaliging Irlandiya, Amerika va yana qayerdadir o‘tadi. Ammo Checheniston yoki Kavkaz haqida gap borganida nimani gapirish mumkin, nimani gapirish mumkin emasligini o‘ylashing kerak. Aytgan so‘zlaring uchun qafas ichida yoki uning tashqarisida javob berishingga to‘g‘ri keladi», — dedi Xaliyev.
Xaliyev chechenlar oila yoki biror kishisining sha'nini toptaganlarni hech qachon kechirishmasligini ta'kidladi. «Shuning uchun tezroq tavba qilib kechirim so‘rashingni maslahat beraman, hayot Habib bilan jangdan so‘ng tugab qolmaydi. Agar katta sarguzasht izlamayotgan bo‘lsang, tilingga ehtiyot bo‘l», — dedi Xaliyev.
21 sentabr kuni bo‘lib o‘tgan matubot anjumanida Makgregor Nurmagomedov sha'niga haqoratli so‘zlarni aytdi. Bundan tashqari u Checheniston rahbarini diktator deb atadi.
Nurmagomedov va Makgregor o‘rtasidagi jang 6 oktabr kuni Las-Vegasda bo‘lib o‘tadi.
Mavzuga oid
![](https://storage.kun.uz/source/thumbnails/_medium/10/iYpLTmWbuoiidfZ56daLDWIZJnOCsOFI_medium.jpg)
16:54 / 02.09.2024
«Siz va bolalaringiz mamlakatga nega keraksizlar?» - Apti Alaudinov qanday qilib Kreml ovoziga aylandi
![](https://storage.kun.uz/source/thumbnails/_medium/10/ZTJwV3iu7OSu988Q4s2uM4dm-SI-rOAn_medium.jpg)
22:11 / 13.08.2024
Boris Nemsovning o‘ldirilishida ayblangan Temirlan Eskerxonov koloniyadan chiqib, urushga jo‘nab ketdi
![](https://storage.kun.uz/source/thumbnails/_medium/10/KxPFxRyXr2roeYley5MPv7ak1sT5ForU_medium.jpg)
14:46 / 02.07.2024
Qodirov o‘z qarindoshini Checheniston xavfsizlik kengashi kotibi etib tayinladi
![](https://storage.kun.uz/source/thumbnails/_medium/10/xwND41gTcwBKvWmPLQ9GN0-7lRJC59hI_medium.jpg)
09:34 / 27.05.2024