Qodirov o‘z qarindoshini Checheniston xavfsizlik kengashi kotibi etib tayinladi

Checheniston rahbari Ramzon Qodirov uning 27 yoshli qarindoshi Hamzat Qodirov respublika xavfsizlik kengashi kotibi etib tayinlangani haqida xabar qildi.

Hamzat Qodirov Checheniston rahbarining yordamchisi lavozimini ham egallagan.

Bungacha Checheniston xavfsizlik kengashi kotibi lavozimida respublika rahbarining amakivachchasi Turpal-Ali Ibragimov ishlagandi, u endi Shalinskiy rayonini boshqaradi. «Ularning ikkisi ham [Ibragimov va Qodirov] rahbarlik lavozimlarida boy tajribaga ega va o‘z zimmasiga qo‘yilgan vazifalarni bajara oladi», — degan Checheniston rahbari.

10 may kuni Davlat dumasining Chechenistondan bo‘lgan deputati Adam Delimxanov Ramzan Qodirov o‘z qarindoshini Mardlik ordeni bilan taqdirlagani haqida xabar qilgandi. Rossiya prezidenti Vladimir Putin ushbu ordenni topshirish to‘g‘risidagi farmonini imzolagan. 

Delimxanov o‘z postida Hamzat Qodirov «maxsus harbiy amaliyotning boshidanoq chechen jangchilarini qo‘llab-quvvatlashda faol ishtirok etgani» haqida yozgan.

• 2023 yilda Hamzat Qodirov II darajali «Vatan oldidagi xizmatlari uchun» ordeni bilan mukofotlangandi, unga shuningdek Checheniston qahramoni unvoni berilgan. O‘sha vaqtda u Checheniston mulk va yer munosabatlari vaziri lavozimida ish boshlagandi.
• 2020 yil fevralida, hali 23 yosh ekanida Hamzat Qodirov Checheniston sport vaziri lavozimida ish boshlagandi. Respublika rahbari o‘z qarindoshini bunday yuqori lavozimga tayinlanishini u — Axmat Qodirovning nabirasi ekani bilan izohlagandi.