O‘zbekiston Kubogining yarimfinalidan o‘rin olgan ikkinchi o‘yin yakunlandi.
«Bunyodkor» Toshkentda Olmaliqning OKMK klubini qabul qilib, kutilmaganda 1:2 hisobida yutqazdi.
Barcha gollar 2-bo‘limda urildi. 57-daqiqada Muzaffar Muzaffarov darvozabon xatosidan foydalanib, uzoq masofadan «Bunyodkor» darvozasini ishg‘ol etdi. Oradan 5 daqiqa o‘tgach, Zafar Polvonov boshi bilan aniq zarba yo‘llab, mezbonlar darvozasiga ikkinchi to‘pni kiritdi. 80-daqiqada Murod Toshmatov uzoq masofadan zarba yo‘llab, OKMK darvozasiga javob to‘pini kiritdi. Ammo, bundan ortig‘iga «Bunyodkor»ning kuchi yetmadi. Natijada, OKMK o‘z tarixida ilk marotaba O‘zbekiston Kubogi finaliga yo‘l oldi.
Final bahsi 28 oktabr kuni Farg‘onada o‘tkaziladi. Unda «Paxtakor» va OKMK bellashadi.
O‘zbekiston Kubogi, 1/2 final
28 sentabr, Toshkent
Bunyodkor (Toshkent) - OKMK (Olmaliq) - 1:2
Gollar: Toshmatov (80) - Muzaffarov (57), Polvonov (62)
