Shavkat Mirziyoyev hindistonlik ishbilarmonlar bilan uchrashdi

O‘zbekiston Respublikasi Prezidenti Shavkat Mirziyoyev 30 sentabr kuni Hindistonning yirik kompaniyalari rahbarlari bilan uchrashdi. 

Prezident matbuot xizmati xabariga ko‘ra, uchrashuvda mamlakatimizda biznes rivojiga g‘ov bo‘lib turgan to‘siqlar olib tashlangani, xorijlik investorlar uchun barcha sharoit yaratilayotgani ta'kidlandi.

Hindistonlik ishbilarmonlar O‘zbekiston prezidenti rahbarligida olib borilayotgan iqtisodiy islohotlarni yuqori baholab, O‘zbekistonga investitsiya kiritish va qo‘shma loyihalarni amalga oshirishdan manfaatdor ekanini qayd etishdi.