Kuvayt AQShga neft yetkazib berishni to‘liq to‘xtatdi

Kuvayt sentabrda AQShga neft yetkazib berishni to‘liq to‘xtatdi. Bunday holat Kuvayt Iroq bilan harbiy ixtilof sababli neft eksportini to‘xtatishiga to‘g‘ri kelgan 1992 yildan beri birinchi marta yuz berdi.

Bloomberg axborot agentligining fikricha, Kuvayt AQShga yetkaziladigan neftni kattaroq talab kuzatilayotgan Osiyoga yo‘naltiriladi.
 
“Eronga qarshi sanksiyalar boshqa ishlab chiqaruvchilarga AQShdagidan ko‘ra narxlar yuqoriroq bo‘lgan Osiyoda ko‘proq neft sotishga imkon beradi”, deb aytgan Lipow Oil Associates konsalting firmasi rahbari Endi Lipou.

Kuvayt nefti Osiyoda bir barreli uchun 80 dollarga, AQShda esa 79 dollarga sotilmoqda.

Ma'lum qilinishicha, ayni vaqtda Kuvaytning eksport qilinuvchi 80 foiz nefti Osiyoga yetkaziladi.