Britaniyadagi boylik manbalarini fosh qilishga doir talab bo‘yicha ilk manzil ma'lum qilindi

2001-2015 yillarda Ozarboyjon Xalqaro bankini boshqargan Jahongir Hojiyevning turmush o‘rtog‘i Zamira Hojiyeva joriy yilda Buyuk Britaniyada boylik manbalarini ochishga doir talablar bo‘yicha diqqat markazidagi ilk shaxs bo‘ldi. Financial Times ushbu xabarni tarqatishga doir sud tomonidan belgilangan muddat tugaganiga asoslanib, shu haqida ma'lum qildi. 

Buyuk Britaniyaning Jinoyatchilikka qarshi kurash milliy agentligi (NCA) bu yil birinchi marta ikki ko‘chmas mulk obektiga nisbatan kelib chiqishi noaniq bo‘lgan mulkka so‘rov jo‘natdi.

Ma'lum bo‘lishicha, so‘rov Ozarboyjon davlat banki rahbarining turmush o‘rtog‘iga berilgan. Iyul oyida ayol obektlardan biriga nisbatan so‘rovni bekor qilishni so‘ragan. O‘shanda London sudida uning hashamatli hayot tarziga oid ma'lumotlar taqdim etilgandi. Xususan, o‘tgan o‘n yilda u Harrods univermagida 16 million funt sterling (21 million dollar) sarflagan, bir kunda 150 ming funt (197 ming dollar)ga baholanuvchi zargarlik buyumlarini xarid qilgan. UWO talabi yo‘llangan ko‘chmas mulk obektlaridan biri - 2009 yilda Londonning Knightsbridge tumanidan 11,5 million funtga sotib olingan uy bo‘lgan. Yana bir obekt - Eskot yaqinidagi yer uchastkasi bo‘lib, unda Mill Ride golf klubi joylashgan, yer 2013 yilda 10,5 million funtga xarid qilingan. Xaridlar ofshor firmalarga rasmiylashtirilgan, lekin NCA ularni Zamira Hojiyeva bilan bog‘lamoqda. 

Ayolning turmush o‘rtog‘i Ozarboyjonda firibgarlik, lavozimini suiste'mol qilish va boshqa ayblovlar bo‘yicha 15 yillik qamoq jazosiga hukm qilingan hamda 40 million dollarga yaqin jarimaga tortilgan. Hojiyev ayblovlarni tan olmagan, uning turmush o‘rtog‘i va advokati bu ayblovlarni mutlaqo adolatsiz deb atashgan.