AQSh elchixonasi Avstraliyaning rasmiy shaxslariga noto‘g‘ri maktub jo‘natgani uchun uzr so‘radi. Gap shundaki, mansabdor shaxslarga ziyofatga tashrif buyurish taklifi bildirilgan va “Sezam ko‘chasi” multfilmidagi qahramonning pijamasida bo‘lgan mushuk surati ilova qilingan elektron maktub jo‘natilgan. “Bu pochta interfeysini tekshirgan yangi xodimlarimiz xatosi tufayli yuz berdi”, deb aytilgan AQSh elchixonasi bayonotida.
Aniqlanishicha, elchixonaning yangi xodimi maktublarni yuborish tizimini sinovdan o‘tkazayotib, tasodifan real foydalanuvchilarga hazilomuz taklifni jo‘natib yuborgan. Elchixona bu xatolik uchun uzr so‘rab, “pijamadagi mushuklar bilan ziyofat qilmoqchi bo‘lganlarni ranjitganidan afsusdaligini” aytgan.
