Odil Ahmedov: «Biz g‘alaba qozondik, hamma xursand bo‘lishi kerak»

O‘zbekiston terma jamoasi yarimhimoyachisi Odil Ahmedov Qatarga (2:0) qarshi o‘rtoqlik bahsidan so‘ng, "Sport" telekanali muxbiri savollariga javob qaytardi. 

Futbolchi bu o‘yinda 1ta gol urib, 2-golga hammualliflik qilgan edi.

- Terma jamoaning o‘yini sizni qoniqtirdimi?
- Terma jamoaning o‘yinida birinchi navbatda natija muhim hisoblanadi. Bugun 2:0 hisobida g‘alaba qozondik, demak, bundan hamma xursand bo‘lishi va qoniqishi kerak.

- Birinchi bo‘limda gol urishga nima halaqit berdi?
- Biz har doim gol urish uchun maydonga tushamiz. Ammo raqib ham kuchsiz emas edi. O‘yinda biroz qiyin bo‘ldi. Ammo hisobni ochganimizdan so‘ng, hammasi joyiga tushib ketdi.

- Ob-havoning sovuq kelishi terma jamoa o‘yiniga halal berdimi?
- Ob-havoning ta'siri bo‘lmadi. Biroq, «Milliy» stadioni maydonining holati yomon edi. Bu O‘zbekiston terma jamoasi bo‘lsa, nimaga «Paxtakor» stadionida o‘ynash mumkin emas? Bunaqa maydonda har ikkala terma jamoa ham o‘z o‘yinini namoyish etishga qiynaldi.