AQShda noqonuniy muhojirlarga boshpana berish cheklandi

AQSh prezidenti Donald Tramp noqonuniy muhojirlarga boshpana berishni cheklovchi hujjat imzolangani haqida ma'lum qildi. Reuters shu haqida xabar berdi. Agentlik ma'lumotlariga ko‘ra, mazkur hujjat noqonuniy muhojirlarga AQShda qochqin maqomi uchun hujjatlarni topshirishga yo‘l qo‘ymaydi.

Manbada ta'kidlanishicha, bunday choralar AQSh chegarasiga bir necha ming kishilik migrantlar karvoni yaqinlashishi bilan bog‘liq. 

Bundan avval Milliy xavfsizlik vaziri Kirsten Nilsen va bosh kotib Mettyu Uitkayerlarning qo‘shma bayonotida Donald Tramp ma'muriyati noqonuniy migrantlarga siyosiy boshpana taqdim etishni cheklashni taklif qilayotgani haqida ma'lum qilingan edi. 

“Bizning boshpana berish tizimimiz noqonuniy muhojirlarning asossiz boshpana so‘rashga oid murojaatlari bilan haddan tashqari yuklanib ketgan. Bu esa mamlakat resurslari uchun katta yukdir”, - deyiladi qo‘shma bayonotda. 

Ularning fikricha, bunday vaziyat haqiqatda boshpanaga muhtoj kishilarga siyosiy boshpana taqdim etishga xalal beradi. 

Hujjatda Amerika hukumati siyosiy boshpana berishni cheklash bo‘yicha qanday choralar qabul qilishi mumkinligi ko‘rsatilmagan.