Afg‘onistondagi portlash 40 kishining hayotiga zomin bo‘ldi

Afg‘oniston poytaxti Kobulda sodir etilgan portlash oqibatida kamida 40 kishi halok bo‘ldi, 80 kishi jarohat oldi.

Dastlabki ma'lumotlarga ko‘ra, portlashni nikoh tantanalari o‘tuvchi saroyda xudkush sodir etgan. Portlash vaqtida u yerda bayram tadbiri o‘tayotgan va mingga yaqin odam yig‘ilgan bo‘lgan.  

Ma'lum qilinishicha, xudkush odamlar orasiga kirib, o‘zini portlatgan. Ta'kidlanishicha, ushbu terakt qurbonlari soni bo‘yicha Afg‘onistonda oxirgi oylarda sodir etilgan eng yirik teraktlardan biri bo‘ldi.