8312.64 USD -2.21

9456.46 EUR +48.21

125.22 RUB +1.37

10578.7 GBP -23.60

21:50 / 06.12.2018 11115

«Олтин глобус» мукофотига номзодлар эълон қилинди 

Фото: susanin.news

Голливуднинг хорижий матбуот ассоциацияси 76-“Олтин глобус” мукофотига номзодларни эълон қилди.

“Энг яхши драматик фильм” йўналиши бўйича мукофотни режиссёр Спайк Лининг “Қора кланчи” (BlacKkKlansman), Райан Куглернинг “Қора пантера” (Black Panther), Декстер Флетчернинг “Богем рапсодияси” (Bohemian Rhapsody), Барри Женкинснинг “Агар Бил-стрит гапира олганда” (If Beale Street Could Talk) ва Брэдли Купернинг “Юлдуз туғилди” (A Star is Born) фильмлари олиши мумкин.

Энг яхши комедия ёки мюзикл учун мукофотни “Ақлбовар қилмас осиёликлар”, “Фавориткалар”, “Яшил китоб”, “Мэри Поппинс қайтмоқда” ва “Ҳокимият” фильмлари олиши мумкин.

Мультфильмлар орасида бош мукофотга “Ральф интернетга қарши” (Ralph Breaks the Internet), «Ўргимчак одам: Коинотлар орқали” (Spider-Man: Into the Spider-Verse), “Келажакдан Мирай” (Mirai no Mirai), “Итлар ороли” (Isle of Dogs) ва “Супероила 2”  (Incredibles 2) анимацион фильмлари даъвогарлик қилмоқда.

“Энг яхши режиссёр” йўналишидаги мукофот учун Брэдли Купер, Альфонсо Куарон, Питер Фаррелл, Спайк Ли ва Адам Маккей бош даъвогарлар ҳисобланади.

“Энг яхши драматик актёр” йўналишидаги бош мукофот учун Брэдли Купер, Уильям Дефо, Лукас Хэжес, Рами Малек ва  Жон Дэвид Вашингтон номзодлари танланди.

“Энг яхши драматик актриса” йўналишидаги бош мукофот учун Леди Гага, Николь Кидман, Розамунд Пайк, Гленн Клоуз ва Мелисса Маккарти кураш олиб борадилар.

“Хорижий тилдаги энг яхши фильм” йўналишига “Капернаум”, “Қизалоқ”, “Ҳеч қачон ортингга қарама», “Рома” ва “Дўконни туновчилар” фильмлари қўйилган.

“Олтин глобус” тақдимоти 6 январда Лос-Анжелесдаги The Beverly Hilton меҳмонхонасида бўлиб ўтади.

Top