«So‘g‘diyona» bosh murabbiy Sergey Lushchan bilan yangi shartnoma imzoladi

«So‘g‘diyona» klubi rahbariyati bosh murabbiy Sergey Lushchan bilan hamkorlikni uzaytirdi.

Mutaxassis aprel oyida jamoani qabul qilib olgan edi. O‘tgan davr mobaynida «So‘g‘diyona»da ko‘plab ijobiy o‘zgarishlar bo‘ldi. Xususan, Lushchan yoshlarga imkoniyat berib, Shaxboz Jo‘rabekov, Oybek Nurmatov, Saxob Rashidov, Siroj Meliyev kabi futbolchilarni kashf etdi. 

Shu tufayli, «So‘g‘diyona» rahbariyati Sergey Lushchan va uning yordamchilari Muhiddin Ortiqov (katta murabbiy), Avgustin Chirita (jismoniy tayyorgarlik bo‘yicha murabbiy) bilan shartnomani uzaytirdi.