19:40 / 10.12.2018
22297
Ҳасанбой Дўсматов россиялик рақибини енгди, Иқболжон Холдоров ютқазди
Фото: karate.ru

9 декабрь куни бокс бўйича Россия терма жамоаси Жаҳон бокс термасига қарши учрашув ўтказди. Москвадаги «Россия» давлат марказий концерт залида ўтказилган баҳсларда мезбонлар 6:2 ҳисобида ғалаба қозонишди.

Жаҳон термаси сафида ўзбекистонлик уч нафар боксчи - Ҳасанбой Дўсматов, Иқболжон Холдоров ва Лазизбек Муллажонов иштирок этишди.

52 килограммгача бўлган вазн тоифасида Ҳасанбой Дўстматов рақиби Тамир Галановни мағлубиятга учратган бўлса, -69 кг вазн тоифасидаги Иқболжон Холдоров Шахабас Махмудовга ютқазди. Шунингдек, жаҳон термаси сафида иштирок этган яна бир ўзбекистонлик боксчи Лазизбек Муллажонов (+91 кг) Иван Верясовдан мағлуб бўлди.

Бокс бўйича Россия термаси ва Жаҳон термаси учрашуви. Натижалар:

- 52 кг: Тамир Галанов (Россия) - Ҳасанбой Дўсматов (Ўзбекистон)
- 57 кг: Альберт Батиргазиев (Россия) - Чатчай Бутди (Таиланд)
- 63 кг: Алексей Мазур (Россия) - Оганес Бачков (Арманистон)

- 69 кг: Шахабас Махмудов (Россия) - Иқболжон Холдоров (Ўзбекистон)
- 75 кг: Глеб Бакши (Россия) - Ослейс Иглесиас Эстрада (Куба)
- 81 кг: Имам Хатаев (Россия) - Хулио Сезар де ла Крус (Куба)

- 91 кг: Муслим Гаджимагомедов (Россия) - Эрисланди Савон (Куба)
+91 кг: Иван Верясов (Россия) - Лазизбек Муллажонов (Ўзбекистон).

Top