Quyosh nuri — Yerda normal hayot kechirish uchun muhim shartlardan biri. Uning yo‘qligi darhol kayfiyat, ruhiy muvozanat va odam asab tizimiga ta'sir qiladi. Quyoshli kunlar soni kam bo‘lgan shaharlar mavjud bo‘lib, ulardagi bulutli havo va qorong‘ulikka qaramay, bu megapolislar faol shahar hayoti bilan ajralib turadi.
Murmanskda bir necha oylab davom etadigan tunlar tayyor bo‘lmagan ruhiyatga kuchli ta'sir ko‘rsatishi mumkin. Biroq Qutb doirasi ortidagi mahalliy aholi quvvat va optimistik hissiy kayfiyatning yo‘qligidan nolishmaydi. Ular past haroratga ham ko‘nikishgan. Ayrim vaqtlarda harorat o‘lchagich 10 daraja sovuqni ham ko‘rsatadi. Qorong‘u kunlar va yiliga 1715 quyoshli soatlar mavjudligi ularga to‘sqinlik qilmaydi.
Shvetsiyaning Kiruna shahri Qutb doirasidan 150 km shimolda joylashgan. U yer fasllar asosan qorong‘ulikda o‘tadi. Qishda oqshom tun bilan almashadi. Quyosh bor-yo‘g‘i bir necha haftagina ko‘zlarni quvontiradi. Bu vaqt asosan iyun oyining birinchi yarmiga to‘g‘ri keladi. Kiruna nomining kelib chiqishi qiziq. U «oppoq qush» ma'nosini anglatadi. Oq to‘shak Shvetsiya shimolidagi vodiylar va tog‘larda yotadi. U yerda 1680 quyoshli soatlar bo‘ladi.
Yaponiya da'vogarlik qiladigan Kuril orollarida Yujno-Kurilsk nomli rus shahri bo‘lib, u o‘zining tumanlari va uzoq davom etadigan tunlari bilan mashhur. Yil davomida uni 1662 soat quyosh nurlari yoritadi.
Amerikaning maydoni bo‘yicha eng katta shtat poytaxti – Juno deyarli 8,5 ming kv.km.ni egallaydi. Biroq unda sivilizatsiya belgilari mavjud emas. Yovvoyi tog‘ va o‘rmonlardan iborat. Quyosh yiliga bor-yo‘g‘i 1,55 ming soat nur sochadi.
Germaniyaning Kyoln shahri ham quyosh nuri bilan maqtana olmas ekan. Soatlarda hisoblaganda quyosh u yerda yiliga 1,5 ming soat bo‘ladi. Omadni qarangki, qolgan jihatlari bo‘yicha mahalliy aholi nolimasa ham bo‘laveradi.
1,4 ming soat yorqin quyosh nuri. Buyuk Britaniyaning yirik shahri Birminghemda bu holatga ko‘nikishgan. Britaniyaliklar yumshoq va nam iqlimda o‘zlarini juda qulay his etishadi.
Kanadaning Prins-Rupert shahri (Britaniya Kolumbiyasi) Tinch okeani qirg‘oqlari shimolida joylashgan. Bu geografik hudud doimiy tuman bilan ajralib turadi.
Ming soatdan kam – 992 soat. Bunga faqat Aleut o‘lkasidagi Nikolsk qishlog‘i aholisi chiday oladi. U yerda Quyosh – kamyob va albatta g‘aroyib hodisa.
Farer orollaridagi Torshavnga quyosh batareyalari kelishiga biroz muddat vaqt bor. Quyosh u yerda bor-yo‘g‘i 884 soat nur taratadi. Biroq orol aholisi o‘z taqdiridan nolimaydi. Hayot darajasi ancha yuqori.
Norvegiyadagi Yan-Mayyen shahar maqomiga yetmaydi. U yerda bor-yo‘g‘i bir necha o‘nta — davlat stansiyalari xodimlari yashaydi. Biroq u sayyoramizning eng qorong‘u shaharlari reytingida yetakchilikni qo‘lga kiritgan. Yan-Mayyenda quyosh yil davomida bor-yo‘g‘i 823 soatga paydo bo‘ladi.
