AQShda ikkita “shoh-bomba” sinovdan o‘tkazildi (video)
AQShda ikkita o‘ta qudratli GBU-57 Massive Ordnance Penetrator (MOP) bombasi sinovdan o‘tkazildi. Sinov o‘tkazilishi videosi YouTube’dagi The Aviationist kanalida joylashtirilgan.
Ma'lum qilinishicha, bombalar B-2 Spirit strategik bombardimonchi samolyotidan tashlangan.
Videoda bomba samolyotdan tashlangandan keyin uning dum qismidagi stabilizatorlari ochilib, so‘ngra bomba yer tomon “sho‘ng‘iganini” ko‘rish mumkin.
GBU-57 korrektsiyalanuvchi aviatsiya o‘q-dorisi hisoblanib, bunkerlarni yo‘q qilishga mo‘ljallangan. Bomba katta kuchga ega bo‘lib, bir donasi 13,6 tonna keladi va 60 metr qalinlikdagi betonni teshib o‘ta oladi. Bomba GPS-navigator bilan jihozlangan. Mutaxassislar amerikaliklar bunday “shoh-bombalar”ni Shimoliy Koreyadagi bunkerlarni yo‘q qilish uchun qo‘llanishi mumkinligini aytishadi.
GBU-57 bombasi 2007 yilda Eron va Shimoliy Koreyadagi yer osti istehkomlarini yo‘q qilish uchun ishlab chiqilgan. Biroq keyinroq Pentagonda bomba bu maqsadlar uchun yetarlicha kuchli emasligi aytilgan va u modernizatsiya qilingan. Bombani yaratishga ketgan umumiy qiymat 400 mln dollarga yaqinni tashkil qiladi.
Mavzuga oid
22:03 / 12.11.2024
AQSh hukumati NUJ bo‘yicha ba’zi ma’lumotlarni oshkor qilishi mumkin
16:55 / 12.11.2024
Tramp millionlab migrantlarni deportatsiya qilishni rejalashtirmoqda - OAV
09:15 / 12.11.2024
AQSh Suriyada eronparast guruhlar obektlariga zarba berdi
16:42 / 11.11.2024