Dubayda narxi 1,5 million dollar turuvchi yaxta cho‘kib ketdi

Dubayda bortida ekipaj a'zolari va 8 nafar turist bo‘lgan narxi 1,5 million dollar turuvchi yaxta cho‘kib ketdi, deb xabar berdi The National nashri.

Nashrning bildirishicha, ijaraga olingan yaxta ostida yoriqlar paydo bo‘lishi oqibatida cho‘kib ketgan.

Politsiya qayig‘i yaxta cho‘kishni boshlashi bilan uning yoniga yetib borgan va uning bortida bo‘lganlarning barchasini qutqargan.  

Yaxta cho‘kayotgan vaqtda u qirg‘oqdan 200 metr narida bo‘lgan. Hodisa natijasida hech kim jarohatlanmagan.