Dunyoning eng qimmat futbolchilari ro‘yxati taqdim qilindi

Xalqaro sport izlanishlari markazi CIES Football Observatory Yevropaning top-5 chempionatlaridagi eng qimmat futbolchilar ro‘yxatini taqdim qildi.

Ro‘yxatni «PSJ» hujumchisi Kilian Mbappe boshqarmoqda. Uning transfer narxi 218,5 million yevroga baholangan. Ikkinchi o‘rinda «Tottenhem» to‘purari Harri Keyn (200,3 million yevro), uchinchi o‘rinda parijliklarning yana bir hujumchisi Neymar (197,1 million yevro) bormoqda.

«Barselona» hujumchisi Lionel Messi 171,2 million yevro narx bilan 7-o‘rinni, «Yuventus» hujumchisi Krishtianu Ronaldu 127,2 million yevro narx bilan 19-o‘rinni egallab turibdi.

Top-10 eng qimmat futbolchilari ro‘yxati:
1. Kilian Mbappe («PSJ») – 218,5 million yevro
2. Harri Keyn («Tottenhem») – 200,3
3. Neymar («PSJ») – 197,1
4. Rahim Sterling («Manchester Siti») – 185,8
5. Muhammad Saloh («Liverpul») – 184,3
6. Paulo Dibala («Yuventus») – 171,9
7. Lionel Messi («Barselona») – 171,2
8. Romelu Lukaku («Manchester Yunayted») – 162
9. Filippe Koutino («Liverpul») – 157
10. Leroy Sane («Manchester Siti») – 156,1