2018 yilda YTHlarda qancha o‘zbekistonlik halok bo‘lgani ma'lum qilindi

O‘zbekiston ichki ishlar vazirligi 2018 yilda yo‘l-transport hodisalarida qancha o‘zbekistonlik halok bo‘lganini ma'lum qildi. 

Vazirlik ma'lumotlariga ko‘ra, 2018 yilda respublikada YTHlarda 2262 kishi halok bo‘lgan (2017 yilda 2473 kishi, 2018 yilda 8,5 foiz kamroq), 8458 kishi tan jarohati olgan (2017 yilda 9637 kishi, 2018 yilda 12,2 foiz kamroq).

Bundan tashqari, 2018 yilda piyodalar va yo‘l harakatining boshqa ishtirokchilari tomonidan yo‘l harakati qoidalari buzilishi bo‘yicha 109280 qoidabuzarga nisbatan O‘zbekiston Respublikasining Ma'muriy javobgarlik to‘g‘risidagi kodeksida ko‘zda tutilgan choralar ko‘rilgan.