O‘zbekiston va Janubiy Koreya 2019 yilga mo‘ljallangan ikki tomonlama aloqalar jadvalini ko‘rib chiqdi

2019 yilning 25 yanvar kuni O‘zbekiston Respublikasi tashqi ishlar vaziri o‘rinbosari Dilshod Axatov Koreya Respublikasi favqulodda va muxtor elchisi Kvon Yon U bilan uchrashdi.

TIV xabariga ko‘ra, suhbat chog‘ida 2019 yilga mo‘ljallangan siyosiy, savdo-iqtisodiy va madaniy-gumanitar sohalardagi ikki tomonlama aloqalarning jadvali bo‘yicha fikr almashilgan.

Bo‘lajak oliy darajadagi O‘zbekiston – Janubiy Koreya uchrashuvini muvaffaqiyatli o‘tkazishdan ikki tomon ham manfaatdorligi qayd etilib, unga puxta tayyorgarlik ko‘rish borasidagi qo‘shma tadbirlarning amaliy jihatlari muhokama qilindi.