Xitoyliklar Toshkentda ko‘p tarmoqli universitet ochishni rejalashtirishmoqda 

Toshkent shahri hokimiyatida Xitoy delegatsiyasi bilan uchrashuv bo‘lib o‘tdi. Uchrashuvda poytaxtda yangi ko‘p tarmoqli universitet ochish masalasi ko‘rib chiqilgan.

Hokimiyat matbuot xizmatida ta'kidlanishicha, yangi oliy ta'lim muassasasida sanoatning turli sohalari bo‘yicha ko‘plab talabalarni o‘qitish rejalashtirilmoqda. Universitetda malakali mutaxassislarni tayyorlashga erishish uchun bir qator maxsus xonalarni laboratoriya ishlari va tadqiqotlar o‘tkazish uchun jihozlash rejalashtirilgan.

Yuqoridagilardan xulosa qilish mumkinki, universitetdagi ta'lim jarayoni kimyo ishlab chiqarishi, biotexnologiyalar, avtomobilsozlik hamda axborot injyeneriyasi bo‘yicha ko‘plab amaliy mashg‘ulotlarni o‘z ichiga oladi.

Ta'kidlanishicha, xorijiy delegatsiya vakillari bo‘lg‘usi universitetning moddiy-texnika bazasini joylashtirish uchun maqbul binoni izlashmoqda.