Isroil Xuan Guaydoni Venesuela prezidenti deb tan oldi

Foto: AP Photo/Sebastian Scheiner, Pool

Isroil bosh vaziri Binyamin Netanyaxu Isroil Venesueladagi muxolifat yetakchisi Xuan Guaydoni mamlakat rahbari deb tan olishini ma'lum qildi.

“Bugun Isroil AQSh, Kanada, Lotin Amerikasi va Yevropa davlatlarining aksariyat qismiga qo‘shilmoqda. Bugun Venesuelaning yangi rahbariyatini tan olishimizni e'lon qilaman”, deb aytgan Netanyaxu.

23 yanvarda Xuan Guaydo o‘zini Venesuelaning vaqtinchalik prezidenti deb e'lon qilgan.

Mamlakatning amaldagi prezidenti Nikolas Maduro yuz berayotgan voqealarni davlat to‘ntaruviga urinish deb atagan va AQSh bilan diplomatik munosabatlar uzilishini ma'lum qilgan.

#Venesuela #Isroil #Binyamin Netanyaxu

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi