Осиё Кубогида дастлабки яримфинал ўйини ўтказилди.

Япония терма жамоаси Эрон билан беллашиб, 3:0 ҳисобида ғалаба қозонди. Ҳар учала гол иккинчи бўлимда урилди. 56-дақиқада Осако қанотдан оширилган тўпни боши билан дарвозага йўллаган бўлса, 67-дақиқада унинг ўзи пенальтини аниқ амалга оширди. Ҳакам томонидан қўшиб берилган дақиқаларда Ҳарагучи якуний ҳисобни ўрнатди.

Япония терма жамоасининг финалдаги рақиби 29 январь куни ўтказиладиган БАА – Қатар ўйинидан сўнг аниқланади. Финал 1 февраль куни бўлиб ўтади.

Осиё Кубоги, 1/2 финал
28 январь
Эрон – Япония 0:3
Голлар: Осако (56, 67 пен), Ҳарагучи (90+1)