21:56 / 02.02.2019
9875
Украина президентлигига номзодини рўйхатдан ўтказиш учун 70дан ортиқ киши ҳужжат топширди

Украина президентлигига номзодини рўйхатдан ўтказиш учун марказий сайлов комиссиясига 70дан ортиқ киши ҳужжат топширди. Бу ҳақда комиссия матбуот хизматига таяниб ТАСС хабар берди.

"Украина президентлигига номзодини рўйхатдан ўтказиш учун марказий сайлов комиссиясига 70дан ортиқ киши ҳужжат топширди, улардан 22 нафарига рад жавоби берилди, 28 нафарига номзодлик гувоҳномаси берилди", - дейилади комиссия томонидан. Маълум қилинишича, бугун рўйхатдан ўтказиш учун ўндан ортиқ киши ҳужжат топширган.

Ҳужжат қабул қилиш 3 февраль куни ниҳоясига етади.

Украина президентлиги учун сайлов 31 март куни бўлиб ўтади. 2014 йилги сайловда 23 нафар, 2010 йилда эса 18 нафар киши мамлакат президенти бўлиш учун номзодини кўрсатган.

Мавзу
Украинада президентлик сайловлари
2019 йилнинг 31 мартида Украинада президентлик сайловлари ўтказилади. Сайловда иштирок этиш учун 44 номзод, шу жумладан мамлакатнинг амалдаги президенти Пётр Порошенко ҳужжат топширган.
Барчаси
Top